Sa Videoke Nangarap

Tirik na tirik ang araw nang suungin ni Mang Ando ang maalinsangang lansangan bitbit ang monitor ng videoke. Kailangan niyang maipagawa ito bago pa siya tilian ng pinakamamahal na unica hija. “Dahil naman dito, sisikat din si Donna. Minsan lang magkaroon ng ganoong katinding interes ang anak ko. Kung ito ba ang makapagpapaligaya sa kanya e.”May kalahating kilometro lang naman ang layo ng pagawaan ng electronic appliances mula sa bahay nina Mang Ando. Alanganing mag-jeep pa siya. Hindi rin naman ito makalulusot sa makipot na eskinita mula Perla...